《爱回家》剧组澳门拍外景,博士现身合照正式回归

时间:2020-05-28    作者:     426 次浏览

TVB处境剧《爱•回家之开心速递》收视理想,打造一对又一对CP嘅同时,都曾经令秦博思(马贯东 饰)、林美香(谢芷伦 饰)「分手」(因为二人当时因为要拍摄另一套剧集)。但今日「三姨」苏韵姿就喺Instagram 限时动态上分享一组剧组大合照,除咗有佢、「安仔」周嘉洛、「朱凌凌」吴伟豪外,仲有喺相中前方位置嘅「博士」马贯东啊!而「打卡」嘅餐厅就正正位于澳门,推断就应该係拍摄几位年青演员喺澳门玩嘅部份。 再细睇,发展相中又有剧中嘅澳门大学生角色「凼仔」(即係早前同「港女安」抢朱凌凌果位啊!) 又有几位主要角色,仲要係喺澳门外景,咁多巧合因素,应该唔係大家「撞到」咁简单挂?即使「博士」早前曾经喺访问中透露当完成《致所有爱过的人》拍摄后,会有可能回归《爱回家》剧组拍摄,但消息仍然有待证实。但其实「博士」即使无喺剧中出现,但片头一直都无换过新,依然有博士完美融入「熊家」当中呢!所以又唔係真係如一部份传闻所指嘅「博香CP」被踢出剧组嘅.......Ref: Instgram
    相关的内容在这里>ω<