《爱回家》池子孝读营养学「取材」冯盈盈,下次拍麦明诗?

时间:2020-05-28    作者:     242 次浏览

寻晚一集TVB处境剧《爱•回家之开心速递》播出「DSE放榜了!」一集,以池子孝(阮政峰 饰)等待公布DSE前嘅心情为主题,结果啊孝喺天才联盟习社嘅协助下,成功喺DSE取得非常好嘅成绩,中文5*,英文4,数学5**,通识5*,其他选修科亦有level 5。正当啊孝一心打算报读「食品及营养学系」时,小编同唔少剧迷一样见到「营养学」3个字就记起两个人,第一个係啊孝喺剧中嘅妹妹池美丽,以及香港小姐冯盈盈呢! 至于同冯盈盈有关,就因为冯盈盈曾经喺《后生仔倾下偈》中讲到自己读食品及营养学係因为细佬:「我细佬两岁嘅时候就有慢性肾炎,咁呢个病就冇得根治嘅,一路就要靠药物同食物嚟控制,佢一路以嚟都要食得好清淡,浓味嘅嘢都唔食得,要低油低盐。」 小编睇到今集《爱 ‧ 回家》唔再「抽水」(早前抽「安心偷食」、「示威」),反而係食依照艺人嘅真人真事改编至剧情当中,都算係一个有正面反应嘅尝试。不过小编又建议一下既然拍冯盈盈嘅故事,下一次可以以麦明诗放榜日嘅情节为题材,应该会经《爱 ‧ 回家》编剧团队加持下而更有喜剧效果!皆因麦明诗在最新一集《后生仔倾吓偈》中透露2009年中学会考放榜当日,佢最担心嘅係自己个样,「我最嬲係学校无(预先)打比我哋,搞到我嗰日无化妆,啲面油都飞晒出嚟......」「10 A」麦明诗当年接受传媒访问嘅样,係有少少baby-fat...... 如果係《爱 ‧ 回家》粉丝的话,应该记得早前曾经有由林秀怡扮演嘅律师「明诗」一角,可以搵佢再扮演呢一个回忆桥段呢!Ref: TVB
    相关的内容在这里>ω<