《爱回家》掀改图热潮,有机会推到拍番外?

时间:2020-05-28    作者:     334 次浏览

如果大家好锺意睇一套剧集的话,唔少人都会cap 低演员嘅表情又或者精警嘅对白,以便同朋友讨论嘅时候都可以「以图代字」!但近日成为TVB收视冠军,又不时成为社交平台热话的《爱·回家之开心速递》,除了引起网民cap图外,更加触动网民嘅改图神经,将本身已经爆笑嘅剧情再推上另一个高峰!寻晚睇预告就知今晚嘅《爱回家》围绕一众被「S.O」(角色「金城安」喺剧中嘅其中一个花名)无意中所连累而「鸡无鸭血」嘅角色,包括:痛失终身成就奖嘅校长「谭道德」、唔见咗呈堂证物生果刀嘅律师「朱展」、狂食菠萝包嘅律师「朱天梯」(TT)......大家都觉得安仔「累人累物」嘅威力实在惊人,都要为佢改一改图! 除咗呢一张外,「Terry」李伟健都分享过一张改图,意念係来自电影《神奇四侠》嘅角色,同样好笑! 两个post 都有几千个讚好,果然好受欢迎!小编希望剧组可以参考一下改图去製作番外篇,当係回应剧迷、Fans的支持!
    相关的内容在这里>ω<