《爱回家》群姐同欧阳波比现身九龙城 网民预言收视应该

时间:2020-05-28    作者:     673 次浏览

相信有睇开《爱‧回家之开心速递》嘅观众,都会记起爱回家女神「群姐」许思敏,除咗佢係同大小姐(林淑敏 饰)好friend嘅一位清洁工外,应该都会记得佢係欧阳震华嘅「铁粉」呢! 喺剧中,群姐经常都会将男神欧阳波比挂喺口边,又曾经因为对波比嘅疯狂行为,如:整假印花卡去换欧阳波比嘅见面会门票(可惜最后事败)、在网上认识美国军医Bobby险遭骗钱骗感情,都惹来唔少笑话,至今都成为大家嘅记忆点呢!唔少剧迷一直都好希望二人可以成功合作,一圆群姐嘅「追星梦」! 广告 其实早在3月尾,《爱‧ 回家》编剧李绮华已经喺微博post出Bobby喺剧集海报上签名嘅相「欧阳波比大驾光临!#爱回家之开心速递#」,已经令人觉得客串成数好高,但一直都未有确认...... 直至寻日,有网民就向「方以文 睇电视喇喂」Facebook专页爆料,指喺九龙城广场出面见到许思敏、欧阳震华拍嘢,但就话周围无出现无綫嘅车呢!(方以文 睇电视喇喂授权转载) 无论係广告定《爱回家》都好,小编见到张相时都好兴奋,因为除咗可以睇到群姐圆梦(佢曾经喺访问中透露自己真係Bobby嘅粉丝),仲可以睇到久违公仔箱一段时间嘅Bobby呢! Ref: TVB
    相关的内容在这里>ω<